ಬೆಳ್ದಿಂಗಳು

ಬಂದನೂ ಬಂದನೂ ಚಂದ ಮಾಮಣ್ಣ
ತಂದನೂ ಜಗಕೆಲ್ಲ ಹಾಲಿನಾ ಬಣ್ಣ
ಕುಳಿತಳು ನಮ್ಮಜ್ಜಿ ಅಂಗಳಕೆ ಬಂದು
ಹಾಕಿದೆನು ನಾನಿಂತು ಕುಣಿವ ಕೂಗೊಂದು

ಪಾರ್ವತೀ ಜಯಲಕ್ಷ್ಮೀ ಕೋಮಲೇ ಸೀತೆ
ಸಾವಿತ್ರಿ ಕಾವೇರಿ ರುಕ್ಮಿಣೀ ಲಲಿತೆ
ನಿರ್ಮಲಾ ಕುಂತಳಾ ಕುಮುದಿನೀ ರಾಧೆ
ಭಾರತೀ ಕೌಸಲ್ಯ ವನಜಾಕ್ಷಿ ಶಾರದೆ

ಬನ್ನಿರೇ ಆಡುವಾ ಕಣ್ಣುಮುಚ್ಚಾಲೆ
ಸರಿಸಿರೇ ಕಾಲ್ಗಡಗ ರುಳಿಗಳನು ಮೇಲೆ
ಓಡಿರೇ ಕೈಬಳೆಯ ಸಪ್ಪುಳವ ನಿಲಿಸಿ
ಹಾಡಿರೇ ಗೀತೆಗಳ ಒಂದಾಟ ಮುಗಿಸಿ

ತಟ್ಟಿರೇ ಗುಬ್ಬಿಗಳ ಶ್ರೀ ತುಳಸಿ ಸುತ್ತು
ಮುಡಿಯಿರೇ ಅರಳುತಿಹ ಮೊಗ್ಗುಗಳ ಕಿತ್ತು
ಅಜ್ಜಿ ಮುಚ್ಚುವಳಂತೆ ಕಣ್ಣುಗಳ ನಮಗೆ
ತುತ್ತು ಹಾಕುವಳಂತೆ ಬೆಳ್ದಿಂಗಳೊಳಗೆ

ಆಡಿದೆವು ಆಟಗಳ ನಾವೆಲ್ಲ ಕಲೆತು
ಮಾಡಿದೆವು ಊಟಗಳ ಒಟ್ಟಾಗಿ ಕುಳಿತು
ತೀಡಿದನು ತಣ್ಗದಿರ ನಮ್ಮೆಲರೊಳಗೆ
ಹಾಡಿದೆವು ನಾವಿಂತು ಪೂರ್ಣಚಂದ್ರನಿಗೆ

ಬಾರಣ್ಣ ಚಂದದಾ ಚೆಲುವಿನಾ ಕಣಿಯೆ
ಬಾರಣ್ಣ ತಾರೆಗಳ ಧರಿಸಿರುವ ದಣಿಯೆ
ಬಾರಣ್ಣ ರಸಿಕರಾ ಬಾಳಿನಾ ತಿರುಳೆ
ಬಾರಣ್ಣ ಅನುರಾಗದುತ್ಸಹದ ಪ್ರಭೆಯೆ

ಬಾರಣ್ಣ ಪುಷ್ಪಗಳನರಳಿಸುವ ದೊರೆಯೆ
ಬಾರಣ್ಣ ಜಗವೆಲ್ಲ ಬೆಳಗಿಸುವ ಪ್ರಭುವೆ
ಬಾರಣ್ಣ ಬೇಸರವ ನೀಗಿಸುವ ಉಸಿರೆ
ಬಾ ಬಾರ ಜನಕಜೆಯ ಜೀವನವ ನಲಿಸು
*****

Leave a Reply

 Click this button or press Ctrl+G to toggle between Kannada and English

Your email address will not be published. Required fields are marked *

Previous post ಅಮ್ಮ ಸುಟ್ಟ ರೊಟ್ಟಿ
Next post ದೈವಾದೀನ

ಸಣ್ಣ ಕತೆ

  • ಪತ್ರ ಪ್ರೇಮ

    ಅಂಚೆ ಇಲಾಖೆಯ ಅದೊಂದು ಸಮಾರಂಭ. ಇಲಾಖೆಯ ಸಿಬ್ಬಂದಿ ವರ್ಗದ ಕಾರ್ಯದಕ್ಷತೆ ಕುರಿತು ಕೇಂದ್ರ ಕಾರ್ಮಿಕ ಸಚಿವ ಆಸ್ಕರ್‍ ಫರ್ನಾಂಡಿಸ್ ಅಮೆರಿಕಾದಲ್ಲಿ ನಡೆದ ಒಂದು ಸತ್ಯ ಘಟನೆ ಎಂದು… Read more…

  • ಬೂಬೂನ ಬಾಳು

    ನಮ್ಮೂರು ಚಿಕ್ಕ ಹಳ್ಳಿ. ಹಳ್ಳಿಯೆಂದ ಕೂಡಲೆ, ಅದಕ್ಕೆ ಬರಬೇಕಾದ ಎಲ್ಲ ವಿಶೇಷಣಗಳೂ ಬರಬೇಕಲ್ಲವೇ ? ಸುತ್ತಲೂ ಹಸುರಾಗಿ ಒಪ್ಪುವ ಹೊಲಗಳು, ನಾಲ್ಕೂ ಕಡೆಗೆ ಸಾಗಿ ಹೋಗುವ ದಾರಿಗಳು,… Read more…

  • ನಾಗನ ವರಿಸಿದ ಬಿಂಬಾಲಿ…

    ಬಿಂಬಾಲಿ ಬೋಯ್ ತನ್ನ ಅಮ್ಮ ಅಣ್ಣ ಅತ್ತಿಗೆ ಜೊತೆ ಅಟಲಾ ಎಂಬ ಒರಿಸ್ಸಾದ ಹಳ್ಳಿಯಲ್ಲಿ ವಾಸಿಸುತ್ತಿದ್ದಳು. ತಂದೆಯ ಮರಣದ ಮುಂಚೆಯೆ ಅವಳ ಹಿರಿಯಕ್ಕನ ಮದುವೆಯಾಗಿತ್ತು. ತಂದೆ ಬದುಕಿದ್ದಾಗ… Read more…

  • ಗ್ರಹಕಥಾ

    [ಸತಿಯು ಪತಿಯ ಹಾಗೂ ಪತಿಯು ಸತಿಯ ಮನೋವೃತ್ತಿಗಳನ್ನು ಅರಿತು ಪರಸ್ಪರರು ಪರಸ್ಪರರನ್ನು ಸಂತೋಷಗೊಳಿಸಿದರೆ ಮಾತ್ರ ಸಂಸಾರವು ಉಭಯತರಿಗೂ ಸುಖಮಯವಾಗುತ್ತದೆ ಹೊರತಾಗಿ, ಅವರಲ್ಲಿ ಯಾರಾದರೊಬ್ಬರು ಅಹಂಭಾವದಿಂದ ಪ್ರೇರಿತರಾಗಿ, ಪರರ… Read more…

  • ಎರಡು ಪರಿವಾರಗಳು

    ಇದು ಎರಡು ಪರಿವಾರದ ಕತೆ. ಒಂದು ಹಕ್ಕಿ ಪರಿವಾರ, ಇನ್ನೊಂದು ಮನುಷ್ಯ ಪರಿವಾರದ್ದು. ಒಂದು ಸುಂದರ ತೋಟ; ವಿಧವಿಧದ ಗಿಡ ಮರಗಳು; ಅವುಗಳ ಕವಲು ಬಿಟ್ಟ ರೆಂಬೆಗಳಲ್ಲಿ… Read more…

cheap jordans|wholesale air max|wholesale jordans|wholesale jewelry|wholesale jerseys